பள்ளி மாணவர்களுக்கு இனிப்புகள் கொடுத்து வரவேற்ற முதல்வர்
தமிழகத்தில் ஒன்று முதல் 8-ம் வகுப்பு வரையிலான பள்ளிகள் இன்று (நவம்பர் 01) திறக்கப்பட்ட நிலையில், சென்னையில் உள்ள மாநகராட்சி பள்ளி ஒன்றில் முதல்வர் ஸ்டாலின் நேரடியாக சென்று மாணவர்களுக்கு இனிப்பு கொடுத்து வரவேற்றார்.
தமிழகத்தில் கொரோனா பரவல் தடுப்பு நடவடிக்கையால், 2020 மார்ச் 10ல் பள்ளிகள் மூடப்பட்டன. அதன்பிறகு, முதல் அலை முடிந்ததும், ஒன்பது முதல் பிளஸ் 2 வரையிலான மாணவர்களுக்கு பள்ளிகள் திறக்கப்பட்டு, பாடங்கள் நடத்தப்பட்டன. பிறகு இரண்டாம் அலை பரவலால், 2020 - 21ம் கல்வியாண்டில், மீண்டும் பள்ளிகள் மூடப்பட்டு அனைத்து பொதுத் தேர்வுகளும் ரத்து செய்யப்பட்டன. இதையடுத்து, செப்.,1 முதல், ஒன்பது - பிளஸ் 2 வரையிலான மாணவர்களுக்கும், கல்லூரி மாணவர்களுக்கும் நேரடி வகுப்புகள் துவங்கின
அதே நேரத்தில், ஒன்று முதல் எட்டாம் வகுப்பு வரையிலான மாணவர்களுக்கு எப்போது பள்ளிகள் திறக்கப்படும் என எதிர்பார்க்கப்பட்ட நிலையில், 19 மாதங்களுக்கு பிறகு இன்று (நவ.,01) முதல் பள்ளிகள் திறக்கப்பட்டன. இதற்காக பள்ளி நிர்வாகம் சார்பில் பள்ளி வரும் மாணவர்களை வரவேற்க சிறப்பு ஏற்பாடு செய்யப்பட்டது. பல பள்ளிகளில் மேளம் அடித்தும், மாணவர்களுக்கு மாலை அணிவித்தும் ஆசிரியர்கள் மாணவர்களை வரவேற்றனர். இந்நிலையில், சென்னை மடுவன்கரையில் உள்ள மாநகராட்சி மேல்நிலைப் பள்ளியில் நேரில் ஆய்வு செய்த முதல்வர் ஸ்டாலின், 1 முதல் 8-ம் வகுப்பு மாணவர்களுக்கு கல்வி உபகரணங்கள் மற்றும் இனிப்புகள் வழங்கி வரவேற்றார்.
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.