பத்தாம் வகுப்பு மாணவர்கள் 2.40 லட்சம் பேருக்கு சத்துணவு
பள்ளிகளில் 10-ம் வகுப்பு படிக்கும் 2 லட்சத்து 40 ஆயிரம் மாணவர்களுக்கு தினமும் சத்துணவு வழங்கப்பட்டு வருவதாக சமூகநலத் துறை அதிகாரி ஒருவர் தெரிவித்தார்.
தமிழகம் முழுவதும் 43,283 சத்துணவு மையங்கள் மூலம் 1 முதல் 10-ம் வகுப்பு வரை படிக்கும் 49 லட்சத்து 85,335 மாணவ, மாணவிகளுக்கு சத்துணவு வழங்கப்பட்டு வந்தது.
இந்தச் சூழலில், தமிழகம் முழுவதும் கரோனா வைரஸ் பரவல்காரணமாக கடந்த மார்ச் 25 முதல்பள்ளிகள் மூடப்பட்டன. இந்நிலையில் 1 முதல் 8-ம் வகுப்பு வரை படிக்கும் மாணவர்களுக்கு அரிசி,பருப்பு ஆகிய உலர் உணவு பொருட்கள், முட்டை வழங்கப்பட்டு வருகிறது.
இதற்கிடையே, 10-ம் வகுப்பு படிக்கும் மாணவர்களுக்கு கடந்த19-ம் தேதி முதல் பள்ளிகளில் வகுப்புகள் நடத்தப்பட்டு வருகின்றன. அன்றைய தினம் முதல் மதிய நேரங்களில் 10-ம் வகுப்பு படிக்கும் மாணவர்களுக்கு சத்துணவு வழங்கப்பட்டு வருகிறது.
இதுதொடர்பாக, சமூக நலத்துறை அதிகாரி ஒருவர் கூறியதாவது:
மாணவர்களுக்கு முன்பு வழங்கியதைப் போன்று மதிய நேரங்களில் சத்தான உணவு வகைகள் தினமும் வழங்கப்படுகிறது. தினமும் 2 லட்சத்து 40 ஆயிரம்மாணவ, மாணவிகளுக்கு சத்துணவு வழங்கி வருகிறோம். இதுதவிர, 1 முதல் 8-ம் வகுப்பு மாணவ,மாணவிகளுக்கு உலர் உணவு பொருட்கள் தொடர்ந்து வழங்கப்பட்டு வருகின்றன.
இவ்வாறு அவர் கூறினார்
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.