வாழைத்தண்டு பட்டர் முறுக்கு செய்முறை

வாழைத்தண்டு பட்டர் முறுக்கு.:

தேவையான பொருட்கள்.:

வாழைத்தண்டு – ஒன்று,

அரிசி மாவு – 2 டம்ளர்,

கடலை மாவு – 2 டீஸ்பூன்,

பொட்டுக்கடலை மாவு – 2 டீஸ்பூன்,

வெண்ணெய் – 50 கிராம்,

எள் – ஒரு டீஸ்பூன்,

ஓமம் – அரை டீஸ்பூன்,

பெருங்காயத்தூள் – சிறிதளவு,

உப்பு – தேவைக்கேற்ப,

எண்ணெய் – தேவையான அளவு.

செய்முறை.:

வாழைத்தண்டை சுத்தம் செய்து சிறுசிறு துண்டாக வெட்டிக்கொண்டு மிக்ஸியில் அரைத்து சாறு எடுத்துக் கொள்ளவும். 

அரிசி மாவு, கடலை மாவு, பொட்டுக்கடலை மாவு, உப்பு அனைத்தையும் ஒன்றாகப் பாத்திரத்தில் போடவும். 

அதில் வெண்ணெய், எள், ஓமம், பெருங்காயத்தூள் சேர்த்து நன்றாகக் கிளறிக் கொள்ளவும். 

இதனுடன் வாழைத்தண்டுச் சாறு சேர்த்து நன்கு கலக்க வேண்டும். 

பிறகு இதில் ஒரு டீஸ்பூன் சூடு செய்த எண்ணெயைச் சேர்த்து பூரி மாவுப் பதத்திற்கு பிசைய வேண்டும். 

கடாயில் தேவையான எண்ணெய் ஊற்றிச் சூடாக்கி மாவை முறுக்குகளாகச் சுட்டெடுக்கவும்.

அமிலத்தன்மையால் பாதிக்கப்படுபவர்களுக்கு வாழைத்தண்டு நல்ல தீர்வு தரும். நெஞ்செரிச்சல், நெஞ்சு உறுத்துவது போல இருப்பது போன்ற பிரச்னைகளுக்கு வாழைத்தண்டுச்சாறு சிறந்த மருந்து.

Share: