திட்டமிட்டபடி தேர்வு: டி.என்.பி.எஸ்.சி.

'உதவி வேளாண்மை அலுவலர் உதவி தோட்டக்கலை அலுவலர் போன்ற பதவிகளுக்கு ஏற்கனவே திட்டமிட்டபடி எழுத்து தேர்வு நடக்கும்' என டி.என்.பி.எஸ்.சி. அறிவித்துள்ளது.

தேர்வுக் கட்டுப்பாட்டு அலுவலர் சுதன் வெளியிட்ட செய்திக்குறிப்பு: ஏப். 17, 18, 19 தேதிகளில் ஏழு மாவட்டங்களில் இந்த தேர்வு திட்டமிட்டபடி நடக்க உள்ளது. விண்ணப்பதாரர்கள் தேர்வு நுழைவுச்சீட்டை இணையதளத்தில் பதிவிறக்கம் செய்து கொள்ளலாம். தேர்வு அறைக்குள் மொபைல் போன் எடுத்து செல்ல அனுமதி இல்லை.

'ஆன்லைனில்' துறை தேர்வுகள்

துறைத்தேர்வு நடைமுறை சீரமைக்கப்பட்டுள்ளது. ஜூன் மாதம் நடக்க உள்ள துறைத்தேர்வுகள் 'ஆன்லைன்' வழியே நடத்தப்படும். திருத்தி அமைக்கப்பட்ட பாடத்திட்டம், தேர்வு முறை www.tnpsc.gov.in என்ற இணையதளத்தில் பதிவேற்றம் செய்யப்பட்டுள்ளது.

கொள்குறி வகை தேர்வுகளுக்கான துறைத் தேர்வுகள் ஆன்லைனில் நடத்தப்படும். விரிந்துரைக்கும் வகையான தேர்வுகள் தற்போதுள்ள நடைமுறையின்படி எழுத்து தேர்வு வகையிலேயே தொடரும். ஆன்லைன் தேர்வுகள் ஜூன் 22 முதல் 26 வரை நடக்கும். விரிந்துரைக்கும் வகை எழுத்து தேர்வுகள் ஜூன் 27 முதல் நடக்கும். இவ்வாறு அதில் கூறப்பட்டுள்ளது.

Share: