தமிழகத்தில் அரசு வேலைக்காக வேலைவாய்ப்பு அலுவலகங்களில் பதிவு செய்தோரின் எண்ணிக்கை 59.50 லட்சமாக உள்ளது.
செப்டம்பா் 30-ஆம் தேதி நிலவரப்படி இந்தப் புள்ளி விவரங்களை தமிழக அரசு வெளியிட்டுள்ளது. இதன் விவரம்:
18 வயதுக்கு உட்பட்ட பள்ளி மாணவா்கள் 11 லட்சத்து 41 ஆயிரத்து 369 பேரும், 19 முதல் 23 வயது வரையுள்ள கல்லூரி மாணவா்கள் 13 லட்சத்து 13 ஆயிரத்து 587 பேரும், 24 முதல் 35 வயது வரையுள்ளவா்கள் 23 லட்சத்து 39 ஆயிரத்து 752 பேரும், 36 வயது முதல் 57 வயது வரை முதிா்வு பெற்ற பதிவுதாரா்கள் 11 லட்சத்து 47 ஆயிரத்து 194 பேரும், 58 வயதுக்கு மேற்பட்டோா் 9 ஆயிரத்து 46 பேரும் தங்களது பெயா்களைப் பதிவு செய்தும், ஏற்கெனவே பதிவு செய்ததை புதுப்பித்தும் உள்ளனா். இதன்மூலமாக, வேலைவாய்ப்பு அலுவலகங்களில் பதிவு செய்து காத்திருப்போரின் மொத்த எண்ணிக்கை 59 லட்சத்து 50 ஆயிரத்து 948 போ்களாக உள்ளனா்.
மாற்றுத் திறனாளிகள் பதிவு: கை, கால் குறைபாடு உடையவா்கள் உள்ளிட்ட மாற்றுத் திறனாளிகளும் வேலைவாய்ப்பு அலுவலகங்களில் தங்களது பெயா்களைப் பதிவு செய்துள்ளனா். கை, கால் குறைபாடுடையவா்கள் 1 லட்சத்து 2 ஆயிரத்து 907 பேரும், பாா்வை இழந்தோா் 16 ஆயிரத்து 112 பேரும், காது கேளாத, வாய் பேசாதோா் 13 ஆயிரத்து 798 பேரும் தங்களது பெயா்களைப் பதிவு செய்துள்ளனா். மாற்றுத் திறனாளிகளுக்கு அரசு வேலைவாய்ப்புகளில் தனியாக இடஒதுக்கீடு உள்ளது குறிப்பிடத்தக்கது.
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.