தலைமுடி அடர்த்தியாக இருக்க உதவும் கேரட் எண்ணெய்: வீட்டிலேயே தயாரிப்பது எப்படி?

 

தலைமுடி அடர்த்தியாக இருக்க உதவும் கேரட் எண்ணெய்: வீட்டிலேயே தயாரிப்பது எப்படி?

தலைமுடி அடர்த்தியாக இருப்பதற்கு கேரட் எண்ணெய் உதவுகிறது. 

நாம் தினமும் சத்தான உணவுகள் சாப்பிட்டு ஆரோக்கியமாக இருப்பது போல, தலைமுடிக்கும் சத்துக்கள் தேவை. தலைமுடி வலுவாக இருக்க வேண்டுமென்றால், அதற்கான உணவுகளை எடுத்துக் கொள்ள வேண்டும். அதனை தொடர்ந்து பராமரிக்க வேண்டியதும் அவசியம். மன அழுத்தம் மற்றும் தண்ணீர் காரணமாக முடி உதிர்வு பிரச்சனைகளும் ஏற்படும். இதில் இருந்து விடுபட கேரட் போதும். இதில் வைட்டமின் ஏ அதிக அளவில் காணப்படுகிறது. முடி வேர்க்கால்கள் வலுவாக இருப்பதற்கு கேரட்டை பயன்படுத்தி தயாரிக்கப்படும் எண்ணெய் உதவும்.

தயாரிக்கும் முறை:

முதலில் கேரட்டை துருவி ஒரு கண்ணாடி ஜாருக்குள் போட்டுக் கொள்ளுங்கள். 

அடுத்து ஜாடிக்குள் ஆலிவ் எண்ணெய் ஊற்றவும். இது விளிம்பை அடைந்தவுடன் இறுக்கமாக மூடிவிடவும்.

இதனை குளிர்ந்த மற்றும் வெளிச்சம் இல்லாத ஒரு இடத்தில் வைக்கவும். குறைந்தது ஒரு வாரமாவது அப்படியே வைத்துவிடுங்கள்.

கேரட்டில் உள்ள சாறுகள் எண்ணெயில் இறங்கி ஆரஞ்சு நிறமாக மாறியவுடன் வடிகட்டி, இதனை வேறு ஒரு பாட்டிலுக்கு மாற்றிவிடுங்கள். 

இந்த எண்ணெயை தலைமுடி வேர்க்கால்களில் நன்றாக தேய்த்து சுமார் 30 நிமிடங்கள் மசாஜ் செய்யுங்கள். 

வாரத்திற்கு ஒரு முறையாவது இந்த எண்ணெயை கட்டாயம் பயன்படுத்த வேண்டும். இதில் உள்ள வைட்டமின் ஏ முடி உதிர்வதை தடுக்கும். இதுமட்டுமல்லாமல் தலைமுடி அடர்த்தியாகவும், பளபளப்பாகவும் இருக்கும்.

Share: