வாசனைக்கு மட்டுமல்ல; அற்புத மருத்துவ குணங்கள் நிறைந்த புதினாக் கீரை!

வாசனைக்கு மட்டுமல்ல; அற்புத மருத்துவ குணங்கள் நிறைந்த புதினாக் கீரை!

கீரை வகைகளில் ஒன்றான புதினாவை பெரும்பாலும் நாம் சமையலில் வாசனைக்காக மட்டுமே பயன்படுத்துகிறோம். ஆனால், புதினாவில் பல அற்புத மருத்துவ குணங்கள் உள்ளன.

 ► புதினாவில் நீர்ச்சத்து, புரதம், கொழுப்பு, கார்போஹைட்ரேட், நார்ச்சத்து,  இரும்புச் சத்து பொட்டாசியம், பாஸ்பரஸ், கால்சியம், வைட்டமின் ஏ மற்றும் சி ஆகியவை உள்ளன. 

► பொதுவாகவே உணவுகளில் அல்லது பழச்சாறுகளில் சிறிதளவு புதினாவை சேர்த்து கொண்டால் வயிற்றுக்கோளாறுகள் நீங்கும், முக்கியமாக வயிற்று பொருமல் சரியாகிவிடும்.

 ► உணவுகளில் எந்த விதத்தில் பயன்படுத்தினாலும் அதன் பலன் மாறாது என்பது புதினாவில் குறிப்பிடத்தக்க ஒன்று.

 ► பிரியாணிகளில் புதினாவை சேர்ப்பது உண்மையில் வாசனைக்காக அல்ல. அசைவ உணவு மற்றும் கொழுப்புப்பொருள்களை இது எளிதில் ஜீரணமாக்கும்.

► புதினாவை தொடர்ந்து உணவில் சேர்த்து வருவதால் இரத்தம் சுத்தமாகும். பசியைத் தூண்டும். மலச்சிக்கல் தீரும்.

 ► பெண்களுக்கு மாதவிலக்கு பிரச்னை தீரவும், ஆண்களுக்கு ஆண்மைக் குறைவை நீக்கவும் பயன்படுகிறது.

 ► அனைத்து விதமாக வயிற்றுக் கோளாறுகளை நீக்க பயன்படுகிறது.

► அதேபோன்று தலைவலி, உடம்பில் எங்கேனும் வலி இருந்தால் அவ்விடத்தில் புதினாவை அரைத்து பற்றுப் போட்டால் வலி மறைந்துவிடும். 

► வாயுத் தொல்லை, வயிற்றுக் கோளாறுகள், வாந்தி, குமட்டல், ஒற்றைத் தலைவலி உள்ளிட்டவற்றை குணப்படுத்தும் உணவாக புதினா இருக்கிறது. 

► இதுதவிர மஞ்சள் காமாலை, வாதம், சோகை, நரம்புத் தளர்ச்சி ஆகியவற்றுக்கும் புதினாக் கீரை சிறந்த மருந்தாகப் பயன்படுகிறது.

► முகத்தில் புதினா சாறை தடவி வருவதன் மூலம் முகப்பரு மறையும். வறண்ட சருமம் நீங்கும்.

 ► அதேபோன்று டீ அல்லது பழச்சாறில் புதினா இலை அல்லது புதினா பொடியை சேர்த்து குடித்து வர உடல் பலம் பெறும். நோய் எதிர்ப்பு சக்தியை அதிகரிக்கும் உணவுகளில் புதினா முக்கியமானது.

Share: