பிளஸ் 2 பொதுத்தேர்வு எப்போது?- மாணவிக்கு அமைச்சர் விளக்கம்
பிளஸ் 2 பொதுத்தேர்வு தொடர்பாக சந்தேகம் கேட்ட மாணவிக்கு, அமைச்சர் அன்பில் மகேஸ் பொய்யாமொழி அளித்த பதில் சமூக வலைதளங்களில் வைரலாகியுள்ளது.
பிளஸ் 2 தேர்வு எப்போது நடைபெறும் என்ற எதிர்பார்ப்பு மாணவர்கள், பெற்றோர் மத்தியில் நிலவிவருகிறது. இந்நிலையில், பிளஸ் 2 மாணவி ஒருவர் பொதுத்தேர்வு தொடர்பான சந்தேகங்களை அன்பில் மகேஸ் பொய்யாமொழியிடம் தெரிவிக்கும் குரல் பதிவு (ஆடியோ) சமூக வலைதளங்களில் வைரலாகப் பரவிவருகிறது.
அதில், ``பிளஸ் 2 பொதுத்தேர்வு நடைபெறுமா? எனில் எப்போது நடைபெறும்? நீட், ஜேஇஇ உட்பட போட்டித் தேர்வுகளுக்கு தயாராக வேண்டியுள்ளதால், தேர்வு பற்றிய முடிவை விரைந்து அறிவிக்க வேண்டும்'' என்று மாணவி கேள்விகளை முன்வைக்கிறார்.
அதற்கு அமைச்சர் அன்பில் மகேஸ் பதிலளித்துப் பேசும்போது, ``மத்திய அரசு என்ன நிலைப்பாடு எடுக்கிறது என்பதைப் பார்த்த பின்னர், முதல்வருடன் கலந்து ஆலோசித்துதான் இதில் முடிவு எடுக்க முடியும். உயர் கல்விக்கு பிளஸ் 2 மதிப்பெண் முக்கியம் என்பதால் தேர்வு ரத்து செய்யப்படாது. கரோனா பரவல் குறைந்தபின் தேர்வு கட்டாயம் நடத்தப்படும்'' என்றார்.
மாணவியின் அழைப்பை ஏற்று, அவருக்கு அமைச்சர் பதில் வழங்கியதற்கு, சமூக வலைதளங்களில் வரவேற்புக் கிடைத்துள்ளது
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.