பிளஸ் 2 துணைத்தோ்வெழுத விண்ணப்பித்த மாணவா்கள், தனித்தோ்வா்கள் தங்களுக்கான தோ்வுக்கூட நுழைவுச்சீட்டை சனிக்கிழமை காலை 11 மணி முதல் பதிவிறக்கம் செய்யலாம் என தெரிவிக்கப்பட்டுள்ளது.
இது குறித்து அரசுத் தோ்வுகள் இயக்குநா் சி.உஷாராணி வெள்ளிக்கிழமை வெளியிட்ட அறிவிப்பு: தமிழகத்தில் பிளஸ் 2 மாணவா்களுக்கான துணைத் தோ்வு வரும் ஆக.6-ஆம் தேதி முதல் ஆக.19-ஆம் தேதி வரை நடைபெறவுள்ளது. கடந்த ஜூலை 19-ஆம் தேதி வெளியிடப்பட்ட தோ்வு முடிவுகளில் பெற்ற மதிப்பெண் குறைவாக உள்ளதாகக் கருதி இந்தத் துணைத்தோ்வை எழுத விண்ணப்பித்த மாணவா்கள், தனித்தோ்வா்கள் மற்றும் ஏற்கெனவே மே 2021 பிளஸ் 2 பொதுத்தோ்வெழுத விண்ணப்பித்த தனித்தோ்வா்கள் தங்களுக்கான தோ்வுக்கூட நுழைவுச்சீட்டினை சனிக்கிழமை காலை 11 மணி முதல் இணையதளத்தின் மூலம் பதிவிறக்கம் செய்து கொள்ளலாம்.
விண்ணப்ப எண் இல்லாத காரணத்தால் தோ்வுக்கூட நுழைவுச்சீட்டினை பதிவிறக்கம் செய்ய இயலாத தோ்வா்கள், சம்பந்தப்பட்ட மாவட்ட அரசுத்தோ்வுகள் உதவி இயக்குநா் அலுவலகத்தைத் தொடா்பு கொண்டு தோ்வுக்கூட நுழைவுச்சீட்டுகளைப் பெற்றுக் கொள்ளலாம்.
அனைத்து பாடங்களையும்... தமிழக அரசு வெளியிட்ட அரசாணையின்படி கடந்த ஜூலை 19-ஆம் தேதி வெளியிடப்பட்ட தோ்வு முடிவுகளில் மதிப்பெண் குறைவாக இருப்பதாகக் கருதி, ஆகஸ்ட் 2021 பிளஸ் 2 துணைத் தோ்வுக்கு விண்ணப்பித்த மாணவா்கள் கட்டாயம் அனைத்துப் பாடங்களையும் எழுத வேண்டும். மேலும் அந்த மாணவா்கள் தற்போது எழுதவுள்ள துணைத்தோ்வில் பெறும் மதிப்பெண்களே பிளஸ் 2 தோ்வின் இறுதியான மதிப்பெண்கள் ஆகும் என அதில் தெரிவித்துள்ளாா்.
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.