தமிழகத்தில் கட்டாய கல்வி உரிமை சட்டத்தின் கீழ் 25% இட ஒதுக்கீட்டில் தனியார் பள்ளிகளில் கல்வி பயில ராமநாதபுரம் மாவட்டத்தில் மீதமுள்ள இடங்களுக்கு ஆகஸ்ட் 3ம் தேதிக்குள் (நாளை) விண்ணப்பிக்க வேண்டும் என மாவட்ட ஆட்சியர் தெரிவித்துள்ளார்.
தமிழகத்தில் கட்டாய கல்வி உரிமை சட்டத்தின் கீழ் பிற்படுத்தப்பட்ட பிரிவு மக்களின் குழந்தைகள் தனியார் பள்ளிகளில் கல்வி பயில அரசு 25% இட ஒதுக்கீட்டை வழங்கியுள்ளது. இதற்கான முழு கல்விச் செலவையும் அரசே ஏற்கிறது. ஆண்டுதோறும் தகுதியுடைய மாணவர்கள் தேர்ந்தெடுக்கப்பட்டு தனியார் பள்ளிகளில் இலவச கல்வி பெறும் உரிமை பெறுகின்றனர். இந்த கல்வி திட்டத்தின் கீழ் விண்ணப்பிக்கும் மாணவரின் இருப்பிடம், சேர விரும்பும் தனியார் பள்ளிக்கு 1 கிலோ மீட்டருக்குள் இருக்க வேண்டும் எனவும், குழந்தையின் பெற்றோர் ஆண்டு வருமானம் 2 லட்சத்திற்குள் இருக்க வேண்டும் எனவும் தெரிவிக்கப்பட்டுள்ளது.
கட்டாய கல்வி உரிமை சட்டத்தின் கீழ் எல்.கே.ஜி மாணவர்கள் சேர்க்கைக்கு கடந்த மாதம் 5ம் தேதி முதல் மாணவர்கள் சேர்க்கை தொடங்கியது. எல்.கே.ஜி சேரும் மாணவருக்கு 31.07.2021 அன்று 3 வயது நிறைவு பெற்றிருக்க வேண்டும் என்ற நிபந்தனைகள் உள்ளது. தமிழகத்தில் மொத்தம் கட்டாய கல்வி உரிமை சட்டத்தின் கீழ் தனியார் பள்ளிகளில் 1.12 லட்சம் இடங்கள் உள்ளனர். இதில் எல்.கே.ஜி மாணவர் சேர்க்கைக்கு ராமநாதபுரம் மாவட்டத்தில் 1,916 சேர்க்கை இடங்கள் உள்ளன.
இதில் நேற்று வரை 700 விண்ணப்பங்கள் மட்டுமே வந்துள்ளது என மாவட்ட முதன்மை கல்வி அலுவலர் தெரிவித்துள்ளார். மீதமுள்ள தனியார் பள்ளி இடங்களுக்கு தங்கள் குழந்தைகளை சேர்க்க விரும்பும் பெற்றோர்கள் https://rte.tnschools.gov.in என்ற இணையதளம் மூலம் வரும் நாளைக்குள் (03.08.2021) விண்ணப்பிக்க வேண்டும் என ராமநாதபுரம் மாவட்ட முதன்மை கல்வி அலுவலர் சா.சத்தியமூர்த்தி தெரிவித்துள்ளார்.
.jpeg)
கடந்த ஒருவார காலமாக தரவுதளம் பதிவு மட்டுமே செய்ய முடிகிறது அடுத்த நிலை தொடர முடியவில்லை
ReplyDeleteMay be server slow try night time
ReplyDelete