பழமொழிக்கு சரியான பொருள் சொல்வோம்.

பாதை மாறிய பழமொழிகள் II

😡--> இன்றைய பழமொழி.

🥰--> சரியான பழமொழி

😡அற்பனுக்கு வாழ்வு வந்தால் அர்த்த ராத்திரியில் கொடை புடிப்பான்.

🥰அர்பணித்து வாழ்ந்து வந்தால் அர்த்த ராத்திரியிலும் கொடை கொடுப்பான்.

பொருள்: தன் வாழ்வை அர்பணித்து வாழ்ந்து வரும் மனிதன், யாசகன் கேட்பவன் அர்த்த ராத்திரியில வந்தாலும் கொடை கொடுப்பானாம்.

யோசிக்க: அற்பனா இருப்பவன் எப்படி தானதர்மம் செய்வான்?

😡ஆயிரம் பேரை கொன்றவன் அரை வைத்தியன்.

🥰ஆயிரம் வேரை (மூலிகை வேரை) கொன்றவன் அரை வைத்தியன்.

பொருள்: சித்த வைத்திய முறைகளில் மூலிகைகளை தெரிந்து வைக்கிறது மிக அவசியம். குறைத்தது ஆயிரம் மூலிகைகளின் தன்மை அறிந்தவனே அரை வைத்தியன். 

யோசிக்க: பின்ன ஆயிரம் பேர கொன்ன சும்மாவ விடுவாங்க.

😡களவும் கற்று மற.

🥰களவும் கத்தும் மற.

பொருள்: கத்து என்பது தூய தமிழில் "பொய்" அல்லது "கயமை" என்பதாய் பொருள். திருடுறதையும், ஏமாற்றுவதையும் மறக்க வேண்டும். கற்றுக்கொள்வதை அல்ல.

யோசிக்க: நாம் கஷ்டப்பட்டு கற்றுக் கொண்டதை மறக்க சொல்லலாமா?

ஆத்துல போட்டாலும் அளந்து போடணும்.

🥰அகத்தில் போட்டாலும் அறிந்து போடணும்.

பொருள்: அகத்துலனு சொன்னது ஆத்துலனு மாறிவிட்டது. அகத்தில் அதாவது மனதில் போகிற வருகிறவர் போகிறவர் சொன்னதையெல்லாம் போட்டு குழம்பாம, தேவையானதை மட்டும் அறிந்து கொண்டு சேர்த்து வச்சா போதும்.

யோசிக்க: ஆத்துல அதாவது குளத்துல எதுக்குங்க கண்டதை போடனும். அசுத்தமாக்கவா? இதுல அளந்து வேற..

😡வக்கத்தவனுக்கு வாத்தியார் வேலை போக்கத்தவனுக்கு போலீஸ் வேலை.

🥰வாக்கு தெரிந்தவனுக்கு வாத்தியார் வேலை, போக்கு தெரிந்தவனுக்கு போலீஸ் வேலை.

பொருள்: வாக்கு(கற்றல் அறிவு) என்றால் தனக்குத் தெரிந்ததை மற்றவர்களுக்கு புரியும்படி  கற்பிப்பவருக்கு வாத்தியார் வேலை. போக்கு  என்றால் ஊர் நடத்தை கற்றறிந்தவருக்கு போலீஸ் வேலை உகந்தது என்று தான் சொன்னார்கள். 

யோசிக்க: வக்கு இல்லாதவன், போக்கிரிக்கும் எப்படிங்க வேலை கொடுப்பாங்க?

இனிமேலும் நாம் சரியான பழமொழியை சொல்வோம். மற்றவருக்கும் எடுத்துரைப்போம்!

Share: