புயல் உருவாவது எப்படி?

வளிமண்டலம் மற்றும் கடலின் அமைப்பு:

==> தென்கிழக்கு வங்ககடல் மற்றும் அதனை ஒட்டிய நிலநடுக்கோட்டு இந்தியப்பெருங்கடல் பகுதியில் உருவாகிய காற்றழுத்த தாழ்வு பகுதி, தீவிரக்காற்றழுத்த தாழ்வு பகுதியாக மாறியுள்ளது. இது நாளை காற்றழுத்த தாழ்வு மண்டலமாக மாறும் பிறகு புயலாக தமிழக கடற்கரை நோக்கி வரும் என  எதிர்ப்பார்க்கப்படுகிறது. இது குறித்து சிறப்பு அறிக்கை இரவு 7:30 மணிக்கு வெளியிடப்படும். அதற்கு முன் புயல்கள் உருவாகும் நிலைகளை பார்க்கலாம்.

புயல் உருவாகுவது எப்படி?

1. காற்று சுழற்சி 

==> வளிமண்டல மேலடுக்கு ஏற்படும் காற்று சுழற்சி. 

2. காற்றழுத்த தாழ்வு நிலை

 ==> ஒர் மையப்பகுதி (வெற்றிடத்தை) நோக்கி காற்று சுழலாமல் பரந்த அளவில் வளிமண்டலத்தில் அழுத்தம் குறைந்து காணப்படுவது, காற்றழுத்த தாழ்வு நிலை எனப்படும். இயல்பாக காற்றழுத்த தாழ்வு நிலை தென்சீனக்கடலிருந்து சீரான கீழைக்காற்று வருகை தரும் போது ஏற்படும்.

3. காற்றழுத்த தாழ்வு பகுதி

==> ஒர் வெற்றிடத்தை மையமாக வைத்து காற்று குவிதல் ஏற்படுவது காற்றழுத்த தாழ்வு பகுதி.

காற்றழுத்த தாழ்வு பகுதியின் வேகம் மணிக்கு 25கிமீ வரை இருக்கும்.

4. தீவிர காற்றழுத்ததாழ்வு பகுதி

==> தாழ்வு பகுதியின் மையத்தை நோக்கு குவியும் காற்று மணிக்கு 31.4 கிமீ வேகத்தை தொடும் போது தீவிரத்தாழ்வு பகுதி எனப்படும்.

5. காற்றழுத்த தாழ்வு மண்டலம்.

==> எப்போது மையத்தை நோக்கி குவியும் காற்றின் வேகம் மணிக்கு 32 கிமீ முதல் 50 கிமீ வரை தொடுகிறதோ, அப்போது காற்றழுத்த தாழ்வு மண்டலம் என அழைக்கப்படும்.

6. தீவிர காற்றழுத்த தாழ்வு மண்டலம்:

==> மையத்தை நோக்கி குவியும் காற்றின் வேகம் மணிக்கு 51 கிமீ முதல் 62 கிமீ வரை தொடும் போது தீவிர காற்றழுத்த தாழ்வு மண்டலம் எனப்படும்.

7. புயல் : 

==> மையத்தை நோக்கி குவியும் காற்றின் வேகம் மணிக்கு 63 கிமீ முதல் 88 கிமீ வரை செல்லும் போது அந்த சலனம் புயல் என்ற அழைக்கப்பட்டு பெயரிடப்படுகிறது.

8. தீவிரப்புயல் 

==> மையத்தை நோக்கி குவியும் காற்றின் வேகம் மணிக்கு 89 கிமீ முதல் 117 கிமீ வரை செல்லும் போது தீவிரப்புயல் என்று அழைக்கப்படும்.

==> மேலும் புயலின் மையப்பகுதிக்கு எப்போது 100 கிமீ மேல் காற்று வீசுகிறதோ, அப்போது தான் புயலுக்கு கண் பகுதி உருவாகும்.

9. மிக தீவிர புயல் 

==> மையத்தை நோக்கி குவியும் காற்றின் வேகம் மணிக்கு 118 கிமீ முதல் 165 கிமீ வரை செல்லும் போது மிக தீவிர புயல் எனப்படுகிறது.

10. மிக அதி தீவிர புயல்.

==> மையத்தை நோக்கி குவியும் காற்றின் வேகம் மணிக்கு 166 கிமீ முதல் 220 கிமீ வரை செல்லும் போது மிக அதி தீவிர புயல் என பெயரிடப்படும்.

11. சூப்பர் புயல் 

==> புயலின் மையத்தை நோக்கி மணிக்கு 221 கிமீ வேகக்தில் காற்று குவிந்தாலோ, அல்லது அதற்கு மேல் குவிந்தாலோ சூப்பர் புயல் என வரையறுக்கப்படும்.

==> மேற்கண்ட அமைப்பில் தான் புயல் உருவாகிறது. 

இவண்

டெல்டாவெதர்மேன் ஹேமச்சந்தர்

Share: