அருமையான சமையல் டிப்ஸ்......

அருமையான சமையல் டிப்ஸ்......

👉 மோர்குழம்பு அவியல் புளிக்காமல் இருக்க அன்றைய தினம் உறைக்கு ஊற்றிய தயிர் அல்லது மோரில் அவியல் செய்தால் சுவையாக கெட்டு போகாமல் இருக்கும். 

👉 வெந்தயக் குழம்பு இறக்கும்போது இரண்டு பொரித்த அப்பளத்தை நொறுக்கிப் போட்டு இறக்கினால் மிகவும் சுவையாக இருக்கும்.

👉 வெந்தயத்தை முதல் நாள் இரவே தண்ணீரில் ஊறவைத்து மறுநாள் காலையில் வெறும் வயிற்றில் குடித்தால் உடல் சூடு தணியும்.

👉 கொத்தமல்லி சட்னி மீந்துவிட்டால் மோரில் சட்னியைப் போட்டு கரைத்துவிடுங்கள். மசாலா மோர் போல சுவையாக இருக்கும்.

👉 பருப்பு உருண்டைக் குழம்பு செய்யும்போது சில நேரம் உருண்டை கரைந்து விடும். இதைத் தவிர்க்க அரைத்த உடன் சிறிது எண்ணெய் விட்டு கடாயில் 5 நிமிடம் வதக்கி சிறிது அரிசிமாவு கலந்து உருட்டி குழம்பு கொதிக்கும் போது ஒவ்வொன்றாக போட்டால் கரையாது.

👉 இட்லி பொடியுடன் சிறிது வெந்தயத்தையும் வறுத்து, பொடி செய்து சேர்த்தால், மணமாக இருப்பதுடன் வயிற்றுக் கோளாறுகளுக்கும் நல்லது. 

👉 தர்பூசணித் தோலை மெல்லியதாக சீவி எண்ணெயில் பொரித்து மிளகாய் பொடி, உப்பு தூவி சாப்பிடலாம். நடுவிலுள்ள வெண்மை பகுதியை கூட்டு அல்லது அடை, வடையில் துருவிப் போட்டு செய்யலாம்.

👉 குடைமிளகாய், கோவைக்காய், கத்தரிக்காய் போன்றவற்றில் பொரியல் செய்யும் போது மசாலா பொடியுடன் நான்கு டீஸ்பூன் பொட்டுக்கடலை மாவையும் கலந்து செய்தால் அதிக மொறுமொறுப்புடன் சுவையாக இருக்கும்.

👉 சேப்பங்கிழங்கு, கருணை கிழங்குகளை இட்லி தட்டில் வேக வைத்தால் குழையாமல் இருக்கும்.

👉 சூப் தயாரிக்கும் போது அதில் இரண்டு டீஸ்பூன் பார்லி தண்ணீர் கலந்து பருகினால் உடல்நலத்துக்கு மிகவும் நல்லது.

Share: