CBSE 12 ஆம் வகுப்பு மதிப்பெண் கணக்கீடு – ஜூலை 25 வரை காலக்கெடு நீட்டிப்பு!
மத்திய இடைநிலைக் கல்வி வாரியம் (CBSE) 12 ஆம் வகுப்பு மாணவர்களுக்கான தேர்வு முடிவுகளை ஜூலை 31 ஆம் தேதிக்குள் வெளியிடும் என அறிவித்துள்ள நிலையில், மதிப்பீடுகளை செய்யும் பள்ளிகளுக்கு ஜூலை 25 ஆம் தேதி வரை காலக்கெடுவை நீட்டிப்பதாக அறிவித்துள்ளது.
கடந்த மே மாதம் நடைபெற இருந்த CBSE 12 ஆம் வகுப்பு மாணவர்களுக்கான பொதுத்தேர்வுகள் கொரோனா 2 ஆம் அலை காரணமாக ரத்து செய்யப்பட்டது. இதை தொடர்ந்து அம்மாணவர்களுக்கு மதிப்பெண்களை வழங்க முடிவு செய்த CBSE கல்வி வாரியம், அதற்கான வழிகாட்டுதல்களை CBSE சார்ந்த அனைத்து பள்ளிகளுக்கும் அளித்தது. இதை பின்பற்றி CBSE பள்ளிகள் 12 ஆம் வகுப்பு மாணவர்களுக்கான மதிப்பீடுகளை செய்து வந்த நிலையில், அதற்கான காலக்கெடு தற்போது நீட்டிக்கப்பட்டுள்ளது.
அதாவது ஜூலை 31 ஆம் தேதி இறுதி மதிப்பெண்கள் வெளியிடப்படும் என்று CBSE கல்வி வாரியம் அறிவித்துள்ள நிலையில், CBSE பள்ளிகள் தங்களது மாணவர்களுக்கான இறுதி மதிப்பீடுகளை வழங்குவதற்கு ஜூலை 22 ஆம் தேதி வரை கால அவகாசம் கொடுத்திருந்தது. இந்த அவகாசம் இன்றுடன் முடிவடைவதால், இதை ஜூலை 25 ஆம் தேதி வரை நீட்டிப்பதாக கல்வி வாரியம் அறிவித்துள்ளது. இது தொடர்பாக தேர்வு கட்டுப்பாட்டாளர் சன்யம் பரத்வாஜ் கூறுகையில், ’12 ஆம் வகுப்பு மாணவர்களுக்கான தேர்வு மதிப்பீடுகளை கணக்கிடுவதில் CBSE பள்ளிகளுக்கு கொடுக்கப்பட்டுள்ள கால அவகாசம் இன்றுடன் (ஜூலை 22) முடிவடைவதால், அவற்றை ஜூலை 25 ஆம் தேதி வரை நீட்டித்து கொடுக்கப்படுகிறது.
அதாவது ஜூலை 22 ஆம் தேதி வரை கொடுக்கப்பட்டிருந்த கால அவகாசத்தில், மதிப்பீடுகளை மேற்கொள்ளும் ஆசிரியர்கள் மன அழுத்தத்துக்கு உட்பட்டு சில தவறுகளை செய்து வருவதாக சில கோரிக்கைகள் பெறப்பட்டன. அதனால் காலக்கெடுவை ஜூலை 25 வரை நீட்டிக்க முடிவு செய்யப்பட்டுள்ளது. மேலும் இந்த காலத்துக்குள் மதிப்பீடுகளை முடிக்காத பள்ளிகளது முடிவுகள் தனியாக அறிவிக்கப்படும்’ என தெரிவித்துள்ளார். மேலும் 12 ஆம் வகுப்பு மாணவர்களுக்கான சிறப்பு தேர்வுகள் ஆகஸ்ட் 16 முதல் செப்டம்பர் 15 வரை நடைபெறும் என்று தேர்வு வாரியம் அறிவித்துள்ளது.
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.