பிளஸ் 1 விடை திருத்தம் ஜூன் 10 முதல் ஆரம்பம் தேர்வுத்துறை

பிளஸ் 1 விடைத்தாள்களை, நாளை முதல், திருத்தும் மையங்களுக்கு அனுப்ப, தேர்வுத்துறை உத்தரவிட்டுள்ளது.

தமிழக பள்ளி கல்வி பாடத்திட்டத்தில், பிளஸ் 1, பிளஸ் 2 பொதுத்தேர்வுகள் முடிந்துள்ளன. பத்தாம் வகுப்புக்கு, ஜூன்,15 முதல் தேர்வுகள் நடக்க உள்ளன.

இந்நிலையில், பிளஸ் 2 விடை திருத்தம், மே, 27ல் துவங்கி நடந்து வருகிறது. இதையடுத்து, பிளஸ் 1 விடைத்தாள்கள் திருத்தம் செய்யப்பட உள்ளன. அதற்காக, அனைத்து மாவட்டங்களிலும், கட்டுக்காப்பு மையங்களில் இருந்து, திருத்தும் மையங்களுக்கு விடைத்தாள்களை அனுப்ப, முதன்மை கல்வி அலுவலர்களுக்கு உத்தரவிடப்பட்டுள்ளது.

நாளை , இந்த பணியை துவங்கி விரைவில் முடிக்க வேண்டும். ஜூன், 10 முதல், விடைத்தாள் திருத்தும் பணிகள் துவங்கப்படும் என, அறிவிக்கப்பட்டுள்ளது.

Share: