ஒரே கல்வியாண்டில் நேரடியாக தொலைதூர கல்வி மூலம் பெற்ற 2 பட்டங்களை அங்கீகரிக்கக்கோரி ஐகோர்ட்டில் வழக்கு தொடரப்பட்டுள்ளது. இது தொடர்பாக ஏற்கனவே தொடரப்பட்ட இரண்டு வழக்குகளில் வெவ்வேறு தீர்ப்புகள் வழங்கப்பட்டதால், இது குறித்து தீர்வை காண்பதற்காக மூன்று நீதிபதிகள் கொண்ட அமர்வை தலைமை நீதிபதி அமைத்தார்.
இதனை தொடர்ந்து இந்த வழக்கு மூன்று நீதிபதிகள் கொண்ட அமர்வில் இன்று விசாணைக்கு வந்தது. அப்போது, நேரடியாகவும், தொலைதூரக் கல்வி மூலமாகவும் ஒரே ஆண்டில் 2 பட்டங்களை பெறுவதை தடை செய்வதற்கு எந்தவித சட்டமும் இல்லை என்றும் 2 பட்டங்களும் அங்கீகரிக்கப்பட்ட கல்வி நிறுவனங்களில் இருந்து பெறப்படும் பட்சத்தில் இந்த பட்டங்கள் ஏற்கப்பட வேண்டும் என மனுதாரர்கள் தரப்பில் தெரிவிக்கப்பட்டது.
இதனை தொடர்ந்து பல்கலைக்கழக மானியக்குழு தரப்பில் ஆஜரான வழக்கறிஞர், ஒரே கல்வியாண்டில் இரட்டை பட்டப்படிப்பு மத்திய அரசால் அங்கீகரிக்கப்படவில்லை என்று தெரிவித்தார். மேலும் இரட்டைப் பட்டப்படிப்பை அனுமதிப்பது தொடர்பாக மத்திய மனித வள மேம்பாட்டுத் துறைக்கு பரிந்துரை செய்திருப்பதாகவும் அவர் கூறினார்.
இதையடுத்து தீர்ப்பு வழங்கிய நீதிபதிகள், ஒரே கல்வியாண்டில் 2 பட்டங்கள் பெறுவதை மத்திய அரசு அனுமதிக்கும் வரை அங்கீகரிக்க முடியாது என்று தெரிவித்தனர். மேலும் ஆசிரியர் பணிக்கு விண்ணப்பிக்கும் தொலைதூர கல்வியாளர்களுக்கு, முறையான பயிற்சி மற்றும் அனுபவம் இருக்காது என்றும் நீதிபதிகள் தங்களது தீர்ப்பில் சுட்டிக்காட்டியுள்ளனர்
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.