ரத்தத்தில் ஆக்சிஜன் அளவை மட்டுமல்ல, கிராம்பு சாப்பிட்டா இவ்ளோ நன்மைகளும் சேர்ந்து கிடைக்கும்...

ரத்தத்தில் ஆக்சிஜன் அளவை மட்டுமல்ல, கிராம்பு சாப்பிட்டா இவ்ளோ நன்மைகளும் சேர்ந்து கிடைக்கும்...

கிராம்பு பெரும்பாலும் அதன் நறுமணத்திற்காக சமையலில் பயன்படுத்தப்படுகிறது. இந்த கிராம்பில் அதிகமான ஊட்டச்சத்துக்கள் உள்ளன என்று கூறினால் நீங்கள் ஆச்சரியப்படுவீர்கள். இந்த கிராம்பு பாரம்பரியமாக சீன மருத்துவம் மற்றும் ஆயுர்வேத மருத்துவத்தில் பயன்படுத்தப்பட்டு வருகிறது. இது மிர்டேசி என்ற தாவரக் குடும்பத்தை சேர்ந்தது ஆகும். கிராம்பு மரத்தில் உள்ள பூக்களின் உலர்ந்த மொட்டுகளை நாம் பயன்படுத்தி வருகிறோம். இந்த கிராம்பு குக்கீஸ், பானங்கள், வேக வைத்த பொருட்கள், சுவையான உணவுகள் போன்ற பல உணவு வகைகளில் பயன்படுத்தப்பட்டு வருகிறது. முக்கியமாக பிரியாணியில் இதற்கு தனி இடம் உண்டு.

​ஊட்டச்சத்துக்கள்

இந்தக் கிராம்பில் ஆக்சிஜனேற்றம், நுண்ணுயிர் எதிர்ப்பு, அழற்சி எதிர்ப்பு, வைரஸ் எதிர்ப்பு மற்றும் பூஞ்சை எதிர்ப்பு பண்புகள் நிறைந்துள்ளன. இவை இந்த கிராம்பில் உள்ள ஆரோக்கிய நலன்களுக்கு முக்கிய பங்கு அளிக்கிறது. 100 கிராம் கிராம்பில் 286 கிலோ கலோரி ஆற்றல் உள்ளது. மேலும் இதில் 4.76 கிராம் புரதம், 14.29 கிராம் கொழுப்பு, 66.67 கிராம் கார்போஹைட்ரேட், 33.3 கிராம் நார்சத்து, 476 மி.கி கால்சியம், 8.57 மி.கி இரும்பு சத்து, 190 மி.கி மெக்னீசியம், 1000 மி.கி பொட்டாசியம், 286 மி.கி சோடியம் ஆகியவை நிறைந்துள்ளன.

கிராம்பில் உள்ள ஆரோக்கிய நன்மைகள் பற்றி இந்த கட்டுரையில் விரிவாக தெரிந்து கொள்வோம்.

​நோய் எதிர்ப்பு சக்தி

தற்போது கொரோனா பாதிப்பின் காரணமாக நாடு ஸ்தம்பித்துப் போயுள்ளது. இந்நோயில் இருந்து தப்பிக்க முக்கிய வழி என நோய் எதிர்ப்புச் சக்தி குறிப்பிடப்படுகிறது. எனவே நோய் எதிர்ப்பு சக்தியை அதிகரிக்கும் பண்பு இந்த கிராம்பில் அதிகமாக உள்ளது. இந்தக் கிராம்பில் உள்ள வைட்டமின் சி, நீரில் கரையக்கூடிய ஒரு ஆக்ஸிஜனேற்ற பண்பினை கொண்டுள்ளது. இது அந்நிய நோய்க் கிருமிகளுக்கு எதிராக செயல்படுவதன் மூலம் நோய் தாக்கத்தில் இருந்து நம்மை பாதுகாக்கிறது. மேலும் நோய் எதிர்ப்பு மண்டலத்தை வலுப்படுத்தி சீரான நோயெதிர்ப்பு செயல்பாட்டிற்கு உதவுகிறது.

​வாய்வழி ஆரோக்கியம்

வாய்வழி ஆரோக்கியத்தைப் பேணிக்காக்க கிராம்பு உதவுகிறது. இந்த கிராம்பில் உள்ள நுண்ணுயிர் எதிர்ப்பு, அழற்சி எதிர்ப்பு மற்றும் பாக்டீரியா எதிர்ப்பு பண்புகள் வாய்வழி ஆரோக்கியத்தைப் பாதுகாக்க உதவுகிறது. வாயினுள் ஏற்படும் பிளேக், ஈறு வளர்ச்சி, மற்றும் பிற ஈறு நோய்களின் தீவிரத்தை குறைக்கவும் இது உதவுகிறது. ஈறு நோய்கள் ஏற்பட காரணமாக இருக்கும் நான்கு வகையான பாக்டீரியாக்களின் வளர்ச்சியைத் தடுக்க கிராம்பு உதவுகிறது என்று ஆய்வில் கூறப்பட்டுள்ளது.

​கல்லீரல் ஆரோக்கியத்தை மேம்படுத்த

கிராம்பில் நிறைந்துள்ள யூஜெனோனில் அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்ட ஒரு பயோ ஆக்டிவ் கலவை. இது கல்லீரல் ஆரோக்கியத்தை மேம்படுத்த உதவுகிறது. கல்லீரலில் ஏற்படும் காயங்களை சரி செய்ய உதவுகிறது. மேலும் கல்லீரலில் தோன்றும் சிரோசிசின் அறிகுறிகளை எதிர்க்கவும் உதவுகிறது. இந்த ஆய்வு பெரும்பாலும் வாழும் விலங்குகள் மீது செய்யப்படுகிறது. மனிதர்களில் இது எவ்வாறு பொருந்தும் என்பதை நிரூபிக்க மனிதர்கள் மீதான ஆராய்ச்சி தேவைப்படுகிறது.

​ரத்தத்தில் சர்க்கரையின் அளவை மேம்படுத்த

கிராம்புகளில் யூஜெனோல் இருப்பதால் ரத்தத்தில் சர்க்கரையின் அளவை கட்டுக்குள் வைத்திருக்க முடிகிறது. இந்த கலவை சக்கரை சுரப்பை உயர்த்தி, குளுக்கோஸ் மற்றும் பீட்டா செல்கள் செயல்பாட்டை மேம்படுத்த உதவுகிறது. இதனால் ரத்தத்தில் குளுக்கோஸ் அளவு அதிகரிக்காமல் குறைக்கப்படுகிறது.

​செரிமானத்தை மேம்படுத்த

செரிமான பிரச்சனையை சரிசெய்யும் பண்புகள் கிராம்பில் நிறைந்துள்ளன. கிராம்பு செரிமான நொதிகளின் சுரப்பை தூண்டி செரிமான செயல்முறையை துரிதப்படுத்த உதவுகிறது. இதில் இதற்கு தேவையான பல வகை பயோ ஆக்டிவ் சேர்மங்கள் உள்ளன. வயிற்றில் ஏற்படும் அமிலத்தன்மை, வாயு, மற்றும் குமட்டல் பிரச்சினைகளை குறைக்கவும் கிராம்பு நமக்கு உதவுகிறது.

​கட்டி வளர்ச்சியை தடுக்க

கிராம்பில் உள்ள எத்தில் அசிட்டேட் சாறு கட்டி எதிர்ப்பு செயல்பாட்டை கொண்டுள்ளதாக ஆய்வில் கூறப்படுகிறது. எனவே நமது உடலில் ஏற்படும் கட்டி வளர்ச்சியை தடுக்க இந்த கிராம்பு பெரிதளவில் நமக்கு உதவுகிறது. குறிப்பாக புற்று நோய்க்கு சிகிச்சை அளிக்க தேவையான பண்புகளை இந்த கிராம்பு கொண்டுள்ளது.

​எடை இழப்பு

உடல் எடையை குறைக்க கிராம்பு நமக்கு உதவுகிறது. இந்த கிராம்பில் உள்ள சாறு அதிக கொழுப்பின் காரணமாக உடல் பருமன் ஏற்படுவதை தடுக்க உதவுகிறது. இதை உணவில் சேர்த்து கொள்வதன் மூலம் வயிற்று கொழுப்பு, உடல் எடை மற்றும் கல்லீரல் கொழுப்பை குறைக்க முடியும்.

​எலும்பு ஆரோக்கியம்

நமது உடலில் எலும்பு ஆரோக்கியத்தை மேம்படுத்த கிராம்பு நமக்கு உதவுகிறது. கிராம்பில் உள்ள மெக்னீசியம், கால்சியம் போன்ற சிறந்த மூலங்கள் இதற்கு பயன்படுகிறது. இவை எலும்புகளின் புதிதான உருவாக்கத்திற்கும், எலும்புகளின் ஆரோக்கியத்தை மேம்படுத்தவும் உதவுகிறது. மேலும் கிராம்பில் யூஜெனொல் இருப்பது எலும்பின் அடர்த்தி மற்றும் எலும்பின் வலிமையை அதிகரிப்பதில் முக்கிய பங்கு வகிக்கிறது என ஆய்வில் நிரூபிக்கப்பட்டுள்ளது.

​வயிற்றுப் புண்கள்

வயிற்றின் உட்பகுதியில் வயிற்றுப்புண்கள் உருவாகிறது. இந்த வயிற்றுப் புண்களை சரிசெய்யக் கிராம்பு நமக்கு உதவுகிறது. கிராம்பு இரைப்பையில் சளி உற்பத்தியை தூண்டி, ஒரு பாதுகாப்பானாக செயல்படுகிறது. இதன் காரணமாக செரிமான அமிலங்களால் ஏற்படும் வயிற்று புறணி அரிப்பைத் தடுக்கிறது.

​சுவாச ஆரோக்கியத்தை மேம்படுத்த

கிராம்பு மூச்சுக்குழல் அழற்சி, ஆஸ்துமா, சளி மற்றும் இருமல் போன்ற பல சுவாச சுகாதார பிரச்சனைகளுக்கு சிகிச்சை அளிப்பதில் முக்கிய பங்கு வகிக்கிறது. கிராம்பில் உள்ள அழற்சி எதிர்ப்பு பண்புகள் காரணமாக சுவாசக் குழாயில் ஏற்படும் வீக்கம் எளிதில் குறைய உதவுகிறது.

​சரும ஆரோக்கியத்தை மேம்படுத்த

நமது சருமத்தின் ஆரோக்கியத்தை மேம்படுத்த கிராம்பு நமக்கு உதவுகிறது. இந்த கிராம்பில் உள்ள பாக்டீரியா எதிர்ப்பு மற்றும் பூஞ்சை எதிர்ப்பு பண்புகள் முகப்பருவுக்கு சிகிச்சை அளிக்க உதவுகிறது. மேலும் நமது சருமத்தின் ஆரோக்கியத்தை மேம்படுத்தவும் இது பெரிதும் உதவுகிறது. முகப் பருக்களுக்கு சிகிச்சை அளிக்க கிராம்பு எண்ணெய் பயன்படுத்தப்படுகிறது. முகப்பரு காரணமாக முகங்களில் ஏற்படும் பருக்களை சரி செய்ய இது உதவுகிறது.

Share: