துறைத் தோ்வில் வாய்மொழித் தோ்வு: நாளை தொடக்கம்

துறைத் தோ்வில் வாய்மொழித் தோ்வு: நாளை தொடக்கம்

அரசு ஊழியா்களுக்கான துறைத் தோ்வில் வாய்மொழித் தோ்வுகள் புதன்கிழமை (ஜூலை 7) முதல் தொடங்கவுள்ளன. இதற்கான அறிவிப்பை தமிழ்நாடு அரசுப் பணியாளா் தோ்வாணையம் திங்கள்கிழமை வெளியிட்டது. அதன் விவரம்:-

கடந்த ஆண்டு டிசம்பரில் நடத்தப்படும் துறைத் தோ்வுகள் கடந்த பிப்ரவரியில் நடைபெற்றன. இந்தத் தோ்வுக்கான முடிவுகள் கடந்த ஏப்ரலில் வெளியாகின. இதைத் தொடா்ந்து, கரோனா நோய்த் தொற்று காரணமாக வாய்மொழித் தோ்வினை நடத்துவதில் தாமதம் ஏற்பட்டது. இந்த நிலையில், வரும் 7 மற்றும் 8 ஆகிய தேதிகளில் நாகா்கோயிலிலும், ஜூலை 9-ஆம் தேதி மதுரையிலும், ஜூலை 12 மற்றும் 13 ஆகிய தேதிகளில் கோயம்புத்தூரிலும், ஜூலை 15-ஆம் தேதியன்று கிருஷ்ணகிரியிலும், ஜூலை 16 மற்றும் 17 ஆகிய தேதிகளில் முறையே வேலூா், திருவள்ளூரிலும் வாய்மொழித் தோ்வுகள் நடத்தப்படும். ஜூலை 26 மற்றும் 27 ஆகிய தேதிகளில் சென்னையில் தோ்வு நடத்தப்படும். இதற்கான தகவல் தோ்வா்களுக்கு குறுஞ்செய்தி மற்றும் மின்னஞ்சல் மூலமாக அனுப்பி வைக்கப்பட்டுள்ளது என்று அரசுப் பணியாளா் தோ்வாணையம் தெரிவித்துள்ளது.

Share: