கல்லூரி தேர்வுகளை நடத்தலாமா? இல்லையா? - ஆராய குழு - தமிழக அரசு!

கல்லூரி தேர்வுகளை நடத்துவது குறித்து ஆராய உயர்கல்வித்துறை செயலாளர் தலைமையில் குழு அமைத்து தமிழக அரசு உத்தரவிட்டுள்ளது.

தமிழகத்தில் கொரோனா பாதிப்பு நாளுக்கு நாள் அதிகரித்து வருவதால், கல்லூரி செமஸ்டர் தேர்வுகளை நடத்துவதில் சிக்கல் ஏற்பட்டுள்ளது. இந்நிலையில், இந்த தேர்வுகளை நடத்துவது குறித்து ஆராய உயர்கல்வித்துறை செயலாளர் அபூர்வா தலைமையில் 11 பேர் கொண்ட குழுவை அமைத்து தமிழக அரசு உத்தரவிட்டுள்ளது.

இந்த குழுவில் சென்னை அண்ணா பல்கலைக்கழக துணைவேந்தர் உட்பட 9 பேர் உறுப்பினர்களாகவும், தொழில்நுட்ப கல்வி இயக்குநரக ஆணையர் ஒருங்கிணைப்பாளராகவும் நியமிக்கப்பட்டுள்ளனர். பல்கலைக்கழக மானியக்குழுவின் வழிகாட்டுதல் படி, செமஸ்டர் தேர்வுகளை நடத்துவது பற்றி, இந்த குழு அரசுக்கு பரிந்துரைக்க உள்ளது. அந்த பரிந்துரையின் அடிப்படையில் தேர்வுகளை நடத்துவது குறித்து அரசு முடிவெடுக்கும் என எதிர்பார்க்கப்படுகிறது. 

Share: