‛நீ மட்டும் சந்தோஷமாக இருக்கியா'! ; மருமகளை கட்டிப்பிடித்த கோவிட் மாமியார்

ஐதராபாத்-கொரோனாவால் வீட்டில் தனிமைப்படுத்தப்பட்ட பெண், தன்னை அனைவரும் ஒதுக்குகின்றனர் என்றஆத்திரத்தில், மருமகளை கட்டிப்பிடித்து, அவருக்கும் தொற்றை பரப்பிய சம்பவம் தெலுங்கானாவில் அரங்கேறியது.

தெலுங்கானாவின் ராஜன்னா சிர்சிலா மாவட்டத்தில், சோமரிப்பேட்டா என்ற கிராமம் உள்ளது. இந்த கிராமத்தைச் சேர்ந்த பெண்ணுக்கு கொரோனா தொற்று உறுதியானதை அடுத்து, வீட்டில் தனிமைப்படுத்தப்பட்டார்.தனி அறையில் அவருக்கு வேண்டிய உணவுகளை, அவரது மருமகள், பாதுகாப்புடன் வழங்கி வந்தார். பேரக்குழந்தைகள்உட்பட, வீட்டில் உள்ள அனைவரும் அந்த பெண்மணி இருந்த அறை பக்கம் செல்லவில்லை.அனைவரும் தன்னை ஒதுக்குகின்றனர் என்ற எண்ணம், அந்த பெண்ணுக்கு ஏற்பட்டது; நாளடைவில் ஆத்திரமாக மாறியது.

தனக்கு வந்த நிலைமை, மருமகளுக்கும் வரவேண்டும் என்ற பழிவாங்கும் எண்ணம் எழுந்தது. உணவளிக்க வந்த மருமகளிடம், 'நான் இறந்ததும் அனைவரும் சந்தோஷமாக வாழ நினைக்கிறீர்களா?' எனக் கேட்டபடி, அவரை கட்டியணைத்தார்.இதனால், அடுத்த சில நாட்களில் மருமகளுக்கும் கொரோனா தொற்று ஏற்பட்டது. இதையடுத்து, அந்த மருமகள் வீட்டைவிட்டு வெளியேற்றப்பட்டார். அருகே, திம்மப்பூர் கிராமத்தில் உள்ள பெற்றோர் வீட்டில் அவர் தனிமைப்படுத்தப்பட்டுள்ளார்

Share: