கொரோனா காரணமாக பள்ளிகள் செயல்படாத நிலை இருந்து வருகிறது. இந்த நிலையில், ஈரோடு மாவட்டம் நம்பியூர் சாவக்கட்டுபாளையத்தில் பள்ளிக்கல்வி துறை அமைச்சர் கே.ஏ.செங்கோட்டையன் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
இந்த ஆண்டு பூஜ்ஜியம் கல்வி ஆண்டாக அறிவிப்பது குறித்து முதல்-அமைச்சரிடம் கலந்து ஆலோசனை செய்து முடிவு எடுக்கப்படும். இதுவரை அரசுப்பள்ளி மாணவர்களுக்கு 52 லட்சம் மடிக்கணினிகள் வழங்கப்பட்டுள்ளது. தமிழகத்தில் தொடர்ந்து மடிக்கணினி வழங்கும் திட்டம் செயல்படுத்தப்படும். தலைமை ஆசிரியர்களுக்கு மடிக்கணினிக்கு பதிலாக ஸ்மார்ட்போன் வழங்கினால் தற்போதுள்ள பாடத்திட்டத்தை முழுமையாக அவர்களால் பின்பற்ற முடியாது. செல்போன், டேப் தரம் குறைவானதாக இருப்பதால் அதை மாணவர்களுக்கு வழங்குவதில்லை. அடுத்த ஆண்டு அரசு உதவிபெறும் பள்ளிகளில் படிக்க உள்ள மாணவர்களுக்கு மருத்துவப்படிப்புக்கு இட ஒதுக்கீடு வழங்குவது குறித்து முதல்-அமைச்சரிடம் ஆலோசித்து முடிவு எடுக்கப்படும். அம்மா ஊரக விளையாட்டு திட்டத்தின் கீழ் ரூ.64 கோடி மதிப்பீட்டில் விளையாட்டு மைதானம் அமைக்கும் பணி 75 சதவீதம் முடிவடைந்துள்ளது.
மீதமுள்ள பணிகள் ஊராட்சி மற்றும் பேரூராட்சி பகுதிகள் மூலம் இடம் தேர்வு செய்யப்பட்டு நிறைவேற்றப்படும்
இவ்வாறு அமைச்சர் கே.ஏ.செங்கோட்டையன் கூறினார்
.jpeg)
No comments:
Post a Comment
ஆசிரியர்கள் மற்றும் நண்பர்களே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. இதற்கு “FLASH NEWS KALVI” எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ “FLASH NEWS KALVI” குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் “FLASH NEWS KALVI” குழுவால் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் கேட்டுக்கொள்கிறோம்.